Friday, January 15, 2021
Home ಜಿಲ್ಲೆ ಕಲಬುರ್ಗಿ ಸುಕನ್ಯಾ ಸಮೃದ್ಧಿ ಯೋಜನೆ ಫಲಾನುಭವಿಗಳಿಗೆ ಮತ್ತೊಂದು ಗುಡ್ ನ್ಯೂಸ್

ಇದೀಗ ಬಂದ ಸುದ್ದಿ

ಸುಕನ್ಯಾ ಸಮೃದ್ಧಿ ಯೋಜನೆ ಫಲಾನುಭವಿಗಳಿಗೆ ಮತ್ತೊಂದು ಗುಡ್ ನ್ಯೂಸ್

ಕಲಬುರಗಿ: ಕಲಬುರಗಿ ಅಂಚೆ ವಿಭಾಗದಿಂದ ನವೆಂಬರ್ 30 ರವರೆಗೆ ಸುಕನ್ಯಾ ಸಮೃದ್ಧಿ ಅಭಿಯಾನವನ್ನು ಹಮ್ಮಿಕೊಳ್ಳಲಾಗಿದೆ. ಈ ಯೋಜನೆಯಡಿ 10 ವರ್ಷದೊಳಗಿನ ಹೆಣ್ಣು ಮಕ್ಕಳ ಪಾಲಕರು, ಪೋಷಕರು ಖಾತೆಯನ್ನು ತೆರೆಯಬಹುದಾಗಿದೆ.

ನವಜಾತ ಶಿಶುವಿನಿಂದ 10 ವರ್ಷದೊಳಗಿನ ಎಲ್ಲಾ ಹೆಣ್ಣು ಮಕ್ಕಳಿಗೆ ಈ ಯೋಜನೆ ಅನ್ವಯವಾಗಲಿದೆ. ಹೆಣ್ಣು ಮಕ್ಕಳ ಪಾಲಕರು ಆರಂಭಿಕ ಮೊತ್ತ 250 ರೂ.ಗಳಿಂದ ಖಾತೆ ತೆರೆಯಬಹುದಾಗಿದೆ. ಒಂದು ವರ್ಷಕ್ಕೆ ಗರಿಷ್ಠ 1.5 ಲಕ್ಷ ರೂ. ಜಮೆ ಮಾಡಬಹುದಾಗಿದೆ. ಈ ಯೋಜನೆಯು ತೆರಿಗೆ ವಿನಾಯಿತಿಗೆ ಒಳಪಟ್ಟಿದೆ. ಈ ಖಾತೆಯು ಅವಧಿ 21 ವರ್ಷ ಇರುತ್ತದೆ.

ಹೆಣ್ಣು ಮಕ್ಕಳ ವಯಸ್ಸು 18ರ ನಂತರ ಮರಳಿ ಹಣ ಪಡೆಯಬಹುದಾಗಿದೆ. ಆಸಕ್ತ ಹೆಣ್ಣು ಮಕ್ಕಳ ಪಾಲಕರು, ಪೋಷಕರು ಮತ್ತಿತರ ಹೆಚ್ಚಿನ ಮಾಹಿತಿಗಾಗಿ ತಮ್ಮ ಹತ್ತಿರದ ಅಂಚೆ ಕಚೇರಿಯನ್ನು ಹಾಗೂ ಕಚೇರಿ ದೂರವಾಣಿ ಸಂಖ್ಯೆ 08472-263800ಗೆ ಸಂಪರ್ಕಿಸಲು ಕೋರಲಾಗಿದೆ.

TRENDING