Sunday, June 13, 2021
Homeಜಿಲ್ಲೆಮನೆಗೊಂದು ಮಗು, ಮನೆಗೊಂದು ಮರ

ಇದೀಗ ಬಂದ ಸುದ್ದಿ

ಮನೆಗೊಂದು ಮಗು, ಮನೆಗೊಂದು ಮರ

ಬಾಗಲಕೋಟ : ಪ್ರತಿಯೊಬ್ಬ ಮನುಷ್ಯನು ಮರವನ್ನು ತಮ್ಮ ಮಗುವಿನಂತೆ ಪ್ರೀತಿಯಿಂದ ಮರವನ್ನು ಬೆಳೆಸಿದರೆ ಆ ಮರವು ನಮ್ಮನ್ನು ರಕ್ಷಿಸುತ್ತದೆ ಎಂದು ರಬಕವಿ ಬನಹಟ್ಟಿ ನಗರಸಭೆಯ ಪೌರಾಯುಕ್ತರು ಆರ್.ಎಂ.ಕೊಡುಗೆ ಹೇಳಿದ್ದಾರೆ.

ಬಾಗಲಕೋಟ ಜಿಲ್ಲೆಯ ರಬಕವಿ ಬನಹಟ್ಟಿ ತಾಲೂಕಿನ ರಬಕವಿ ಸರ್ವೆ ನಂಬರ್ 64 ರಲ್ಲಿರುವ ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ನಗರಸಭೆಯ ಮತ್ತು ಅರಣ್ಯ ಇಲಾಖೆಯ ಸಹಭಾಗಿತ್ವದಲ್ಲಿ ವಿಶ್ವ ಪರಿಸರ ದಿನಾಚರಣೆಯ ಅಂಗವಾಗಿ 600 ಸಸಿಗಳನ್ನು ಹಚ್ಚಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ನಗರಸಭೆ ಪೌರಾಯುಕ್ತ ಆರ್.ಎಂ.ಕೊಡುಗೆ “ಮನುಷ್ಯ ಕೇವಲ ಸಂಪತ್ತನ್ನು ಗಳಿಸಿದರೆ ಸಾಲದು,ಮನೆಗೊಂದು ಮರವನ್ನು ಬೆಳೆಸಿ ಸುಂದರ ಪರಿಸರವನ್ನು ನಿರ್ಮಿಸುವ ಜವಾಬ್ದಾರಿ ಪ್ರತಿಯೊಬ್ಬ ನಾಗರಿಕನ ಕರ್ತವ್ಯ, ಪ್ರತಿಯೊಂದು ಮನೆಯ ಮುಂದೆ ಒಂದು ಮರವನ್ನು ಬೆಳೆಸಿ ಅದಕ್ಕೆ ಸುಂದರವಾದ ಹೆಸರನ್ನು ಇಟ್ಟು ಮನೆಯ ಮಗನಂತೆ ಸಾಕಿದರೆ ಮುಂದು ದಿನ ಬೆಳೆದು ನಿಂತ ಆ ಮರವು ನಮಗೆ ನೆರಳಾಗಿ ಹಣ್ಣಾಗಿ ಸುಂದರ ಪರಿಸರವಾಗಿ ಕೊಡುತ್ತದೆ” ಎಂದರು.

ಪ್ರತಿಯೊಬ್ಬರು ಗಿಡವನ್ನು ಬೆಳೆಸುವ ಕೆಲಸವನ್ನು ಮಾಡಬೇಕು ಹಾಳಾಗಿ ಹೋದ ಗಿಡಗಳನ್ನು ಸ್ಮರಿಸಬೇಕು,ಹಾಳಾಗಿ ಹೋಗದಂತೆ ದಿನನಿತ್ಯ ನೀರನ್ನು ಉಳಿಸಿ ಬೆಳೆಸಬೇಕು. ಹಚ್ಚಹಸಿರಿನಿಂದ ಕಂಗೊಳಿಸಿದರೆ ನೆತ್ತರ ಮೇಲಿರುವ ಆಕಾಶದಿಂದ ಭೂಮಿಗೆ ಧರೆಗಿಳಿದು ಬರುವ ಗಂಗೆ ಸಾರ್ವಜನಿಕರ ದಾಹ ತೀರಿಸುವ ಗಂಗಾಮಾತೆ ಅವಳನ್ನು ಹಚ್ಚಹಸಿರ ಗಿಡಗಳಿಂದ ಬರಮಾಡಿಕೊಳ್ಳುವ ಜವಾಬ್ದಾರಿ ಪ್ರತಿಯೊಬ್ಬ ನಾಗರಿಕನ ಕರ್ತವ್ಯ. ಪರಿಸರ ರಕ್ಷಣೆ ಮಾನವನ ಸಂರಕ್ಷಣೆ ಎಲ್ಲಿ ಪರಿಸರ  ಸುಂದರವಾಗಿರುತ್ತದೆ ಅಲ್ಲಿ ರೋಗವು ಮಾಯವಾಗುತ್ತದೆ. ಪ್ರತಿಯೊಬ್ಬರೂ ಸಹ ಹೃದಯವಂತಿಕೆ ಇಂದ ಸಸಿಗಳನ್ನು ನೆಟ್ಟು ಅವುಗಳನ್ನು ಬೆಳೆಸುವ ಕೆಲಸವನ್ನು ಮಾಡಬೇಕೆಂದು ಪೌರಾಯುಕ್ತರು ಆರ್.ಎಂ.ಕೊಡುಗೆ ಹೇಳಿದರು.

ಇದೇ ಸಂದರ್ಭದಲ್ಲಿ ರಬಕವಿ-ಬನಹಟ್ಟಿ ಸಿವಿಲ್ ನ್ಯಾಯಾಧೀಶರಾದ ಶ್ರೀಮತಿ ಎಚ್.ಶ್ವೇತಾ ಮತ್ತು ಶ್ರೀಮತಿ ರೂಪ ಗೋಣಿ,  ಅರಣ್ಯ ಅಧಿಕಾರಿಗಳಾದ ಮಲ್ಲು ನಾವಿ,ಎಸ್.ಡಿ.ಬಬಲಾದಿ,ಅಕ್ಷತಾ ಜಂಬಗಿ,ಸಂತೋಷ ರಾಥೋಡ,ಸರ್ಕಾರಿ ಪಾಲಿಟೆಕ್ನಿಕ್ ಪ್ರಾಚಾರ್ಯರಾದ ದೊಡ್ಡಮನಿ,ಶಿಕ್ಷಣ ಅಧಿಕಾರಿಗಳಾದ ಬಿ.ಆರ್.ಓ ವಿಜಯಕುಮಾರ ವಂದಾಲ ಮತ್ತು ಬುರ್ಲಿ,ತೇರದಾಳ ಪುರಸಭೆಯ ಮುಖ್ಯ ಅಧಿಕಾರಿ ಮಹಾವೀರ ಜೋರೆನ್ನವರ,ನಗರಸಭೆಯ ಅಧಿಕಾರಿಗಳಾದ ವಿದ್ಯಾಸಾಗರ ಕಲಾದಗಿ, ಮುಗುಳಕೋಡ,ದೊಡ್ಡಮನಿ ESI ಪೂಜಾರಿ ಸೇರಿದಂತೆ ವಿವಿಧ ಇಲಾಖೆಯ ಸಿಬ್ಬಂದಿ ವರ್ಗದವರು ಹಾಜರಿದ್ದರು.

TRENDING

spot_img
spot_img
spot_img
spot_img
spot_img
spot_img
spot_img
spot_img
spot_img
spot_img