Friday, July 30, 2021
Homeಜಿಲ್ಲೆಬಾಗಲಕೋಟೆಗೋಕಾಕ್ ನಲ್ಲೊಬ್ಬ ಮಗಧೀರ ! – ನೆಲಕ್ಕೆ ಬಿದ್ದರೂ ಎದ್ದು ಕುದುರೆ ರೇಸ್ ಗೆದ್ದ ಪೋರ

ಇದೀಗ ಬಂದ ಸುದ್ದಿ

ಗೋಕಾಕ್ ನಲ್ಲೊಬ್ಬ ಮಗಧೀರ ! – ನೆಲಕ್ಕೆ ಬಿದ್ದರೂ ಎದ್ದು ಕುದುರೆ ರೇಸ್ ಗೆದ್ದ ಪೋರ

ಬೆಳಗಾವಿ ಜಿಲ್ಲೆ ಚಿಕ್ಕೋಡಿ ತಾಲೂಕಿನ ಕೆರೂರು ಗ್ರಾಮದಲ್ಲಿ ನಡೆದ ಕುದುರೆ ರೇಸ್ ವೇಳೆ ರಸ್ತೆಯಲ್ಲಿ ಬಿದ್ದರೂ ಹಠ ಬಿಡದೆ ಮತ್ತೆ ಕುದುರೆ ಏರಿ ಬಾಲಕನೊಬ್ಬ ರೇಸ್ ಗೆದ್ದಿದ್ದಾನೆ. ವಡ್ಡರಹಟ್ಟಿ ಗ್ರಾಮದ ಲೋಕೇಶ ಸತ್ತಿಗೇರಿ ಸಾಹಸದ ಕುರಿತು ಎಲ್ಲೆಡೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಕುದುರೆಯ ಮುಂದೆ ಬೈಕಿನಲ್ಲಿ ಹೋಗುತ್ತಿದ್ದ ಕೆಲವರು ತಮ್ಮ ಮೊಬೈಲ್‍ನಲ್ಲಿ ಈ ದೃಶ್ಯವನ್ನು ಸೆರೆಹಿಡಿದಿದ್ದಾರೆ. ಬಾಲಕನ ಸಾಹಸಕ್ಕೆ ಬೆರಗಾದ ಜನರು ಬೆಳಗಾವಿಯ ಮಗಧೀರ ಎಂದು ಕೊಂಡಾಡಿದ್ದಾರೆ. ಕೆರೂರು ಗ್ರಾಮದ ಅರಣ್ಯಸಿದ್ದೇಶ್ವರ ಹಾಗೂ ಮಲಕಾರಿ ಸಿದ್ದೇಶ್ವರ ಜಾತ್ರೆಯ ನಿಮಿತ್ತ ಕುದುರೆ ರೇಸ್ ನಡೆಸಲಾಗಿತ್ತು. ರೇಸ್‍ನಲ್ಲಿ ಲೋಕೇಶ ಎಲ್ಲರಿಗಿಂತ ಮುಂದೆ ಇದ್ದ. ಆದರೆ ದಾರಿ ಮಧ್ಯೆ ಕುದುರೆ ಕಾಲು ಜಾರಿಗೆ ನೆಲಕ್ಕೆ ಬಿದ್ದಿದೆ. ಪರಿಣಾಮ ಲೋಕೇಶ್ ಕೂಡ ಕುದುರೆಯ ಮೇಲಿಂದ ಬಿದ್ದಿದ್ದಾನೆ. ಕುದುರೆ ಕಡಿಮೆ ಸಮಯದಲ್ಲಿ ಚೇತರಿಸಿಕೊಂಡು ಏಕಾಂಗಿಯಾಗಿ ಓಡಲು ಆರಂಭಿಸಿದೆ. ಲೋಕೇಶನನ್ನು ಪ್ರೋತ್ಸಾಹಿಸಿದ ಬೈಕ್ ಸವಾರರು ಆತನನ್ನು ಓಡುತ್ತಿದ್ದ ಕುದುರೆಯ ಮೇಲೆ ಮತ್ತೆ ಕೂರಿಸಿದ್ದಾರೆ. ಬಳಿಕ ಲೋಕೇಶ ಯಶಸ್ವಿಯಾಗಿ ಗುರಿ ಮುಟ್ಟಿದ್ದಾನೆ.

TRENDING

spot_img
spot_img
spot_img
spot_img
spot_img
spot_img
spot_img
spot_img
spot_img
spot_img