ಮುದ್ದಾದ ಹೆಂಡ್ತಿ, ಮಗುವನ್ನು ಕೊಂದ ಕಿರಾತಕ ಗಂಡ..!

ಹೈದರಾಬಾದ್​: ಕೌಟುಂಬಿಕ ಕಲಹಕ್ಕೆ ಗಂಡನೊಬ್ಬ ತನ್ನ ಹೆಂಡ್ತಿ ಮತ್ತು ಮಗುವನ್ನು ಕೊಲೆ ಮಾಡಿರುವ ಘಟನೆ ಹೈದರಾಬಾದ್​ನಲ್ಲಿ ಸಂಚಲನ ಮೂಡಿಸಿದೆ.

ಉತ್ತರಪ್ರದೇಶದ ದೇವಾರಿಯಾ ಗ್ರಾಮದ ರಾಜೇಶ್​, ಉರ್ಮಿಳಾ ಮತ್ತು ಮಗ ಕಿಶನ್​ (4) ಈ ತಿಂಗಳು 12 ರಂದು ಹೈದರಾಬಾದ್​ಗೆ ವಲಸೆಗೆ ಬಂದಿದ್ದರು. 25 ದಿನಗಳ ಹಿಂದೆ ದಂಪತಿ ಮಧ್ಯೆ ಜಗಳವಾಗಿತ್ತು. ಹಿರಿಯರು ಮಧ್ಯೆ ಪ್ರವೇಶಿಸಿ ದಂಪತಿಗೆ ಬುದ್ಧಿಮಾತುಗಳನ್ನು ಹೇಳಿದ್ದರು. ಈ ದಂಪತಿ ದೀಪಕ್​ ಕುಟುಂಬದ ಜತೆ ಹೈದರಾಬಾದ್​ನ ಮನೆಯೊಂದರಲ್ಲಿ ಒಟ್ಟಿಗೆ ವಾಸವಾಗಿದ್ದರು.

ಇನ್ನು ಹೈದರಾಬಾದ್​ಗೆ ಬಂದ ಕೆಲವೇ ದಿನಗಳಲ್ಲಿ ಮತ್ತೆ ಇವರ ಮಧ್ಯೆ ಕಲಹಗಳು ಶುರುವಾಗಿದ್ದವು. ಭಾನುವಾರ ಬೆಳಗ್ಗೆ 9 ಗಂಟೆಗೆ ದೀಪಕ್​ ದಂಪತಿ ಕೆಲಸಕ್ಕೆ ತೆರಳಿದ್ದರು. ಮಧ್ಯಾಹ್ನ ಅವರು ಬಂದಾಗ ಮನೆಗೆ ಬೀಗ ಹಾಕಿತ್ತು. ಈ ಹಿನ್ನೆಲೆಯಲ್ಲಿ ದೀಪಕ್, ರಾಜೇಶ್​ಗೆ​ ಫೋನ್​ ಮಾಡಿದ್ದಾನೆ. ಆದ್ರೆ ರಾಜೇಶ್​ ಫೋನ್​ ರಿಸೀವ್​ ಮಾಡಲಿಲ್ಲ.

ಎರಡು ಗಂಟೆಗಳ ಬಳಿಕ ದೀಪಕ್​ ಮನೆ ಬೀಗ ಮುರಿದು ಒಳಗೆ ಹೋಗಿದ್ದಾನೆ. ಈ ವೇಳೆ ಉರ್ಮಿಳಾ ಶವ ನೋಡಿ ದೀಪಕ್​ ಗಾಬರಿಗೊಂಡಿದ್ದಾನೆ. ಬಳಿಕ ಮಗವನ್ನು ಸಹ ಹುಡುಕಾಟ ನಡೆಸಿದ್ದಾರೆ. ಕಿಶನ್​ ಬಾತ್​ರೂಂನಲ್ಲಿ ಶವವಾಗಿ ಕಂಡಿದ್ದಾನೆ. ದೀಪಕ್​ ಕೂಡಲೇ ಪೊಲೀಸರಿಗೆ ದೂರು ನೀಡಿದ್ದಾರೆ. ರಾಜೇಶ್​ ತನ್ನ ಹೆಂಡ್ತಿ ಮತ್ತು ಮಗವನ್ನು ಕೊಲೆ ಮಾಡಿ ಪರಾರಿಯಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Share Post

Leave a Reply

Your email address will not be published. Required fields are marked *

error: Content is protected !!